Музычны спектакль для дзяцей “Чырвоная Шапачка на новы лад”
30 жніўня 2023 года а 18 гадзіне ў Дзяржаўным літаратурна-мемарыяльным музеі Якуба Коласа адбудзецца музычны спектакль для дзяцей малодшага школьнага ўзросту “Чырвоная Шапачка на новы лад”.
“Чырвоная Шапачка на новы лад” – гэты яскравы творчы праект калектыва Філармоніі дзя дзяцей і юнацтва, асаблівы і па-свойму ўнікальны. Гэта касцюміраваная інтэрактыўная казка-гульня, у якой юныя гледачы актыўна ўдзельнічаюць у стварэнні новай, займальнай гісторыі пра Чырвоную Шапачку. Захапляльная, цікавая і па-сапраўднаму добрая гісторыя пра маленькую дзяўчынку "ажывае" на вачах у гледачоў. З дапамогай вопытнай вядучай, дзеці выбіраюць галоўных дзейных персанажаў казкі, размяркоўваюць ролі, адказваюць на пытанні і дапамагаюць артыстам выбудаваць новую сюжэтную лінію ў спектаклі.
У казцы французскага пісьменніка Шарля Перо злы і страшны шэры Воўк мае намер расправіцца з Чырвонай Шапачкай і яе Бабуляй. Дык чаму б не прагнаць злога разбойніка? Магчыма атрымаецца ўберагчы Чырвоную Шапачку ад сустрэчы з Ваўком? Можа быць мілы, вясёлы Зайчык з казкі «Заюшкіна хатка» зможа стаць новым персанажам у новай гісторыі пра Чырвоную Шапачку?
Выканаўцы роляў - лаўрэаты і дыпламанты міжнародных і нацыянальных конкурсаў, салісты Беларускай дзяржаўнай філармоніі.
Працягласць спектакля - 50 хвілін.
Спектакль ідзе на рускай мове.
Уваходны білет – дзіцячы - 5 рублёў, дарослы – 8 рублёў.
Сардэчна запрашаем на спектакль!
Кантактны тэлефон: (017) 270 17 02
Адрас: г. Мінск, вул. Акадэмічная, 5
www.kolasmuseum.by; e-mail: info@kolasmuseum.by