З 6 снежня 2023 г. па 19 студзеня 2024 г. у выставачнай зале Музея гісторыі і культуры г. Наваполацка будзе дзейнічаць выстава «Вяртанне да вытокаў», прысвечаная 65-годдзю г. Наваполацка.
Дадзены ўнікальны супольны выстаўны праект музея ажыццяўляецца сумесна з Цэнтрам рамёстваў і традыцыйнай культуры г. Наваполацка і навапалачанінам Віктарам Бортнікавым.
Сёлета горад Наваполацк адзначыў сваё 65-годдзе. Выстава «Вяртанне ды вытокаў» складаецца з прадметаў, перададзеных жыхарамі вёсак, што ўвайшлі ў склад горада Наваполацка. Кожны экспанат выстаўнага праекта – гэта частка
духоўнага космасу традыцыйнай культуры ўсіх беларусаў і жыхароў Паазер'я.
Выстава падзяляецца на шэсць інфармацыйных блокаў, злучаных з традыцыйнымі рамёствамі беларусаў і асабістымі рэчамі жыхароў вёсак, на тэрыторыі якіх быў пабудаваны Наваполацк. На прыкладзе плеценых карабоў і кошыкаў, ганчарных і кавальскіх вырабаў, узораў ткацтва, цікавага кухоннага начыння і слясарных прылад наведнікі пазнаёмяцца з парадкам жыцця людзей мінулага, з цікавымі фактамі з побыту іх зніклага свету.
Большасць экспанатаў выставы пачатка ХХ стагоддзя. Аднак ёсць экспанаты, век якіх больш за 300 гадоў.
Непаўторнай асаблівасцю выставы з'яўляецца вялікая колькасць самых размаітых шкляных вырабаў – ад цукарніц і чарніліц да флаконаў ад духаў у выглядзе звяроў і раслін.
Кошт квітка:
- 2,00 рубля - дзіцячы;
- 3,00 рубля - дарослы.
Адрас: г. Наваполацк, вул. Юбілейная, 1.
Рэжым працы: з 10.00 па 18.00.
Кантактная асоба:
Леднік Валерый Аляксандравіч, навуковы супрацоўнік.
+375 (214) 51-80-55.
